Главная | Регистрация | Вход | RSSВторник, 16.10.2018, 04:52

МОУ ДОД "КРЦДОД"

Тур Клуб "Белка"
Внимание
Меню сайта
Закладки
Опрос
Какое направление для своего ребенка Вы считаете более приоритетным?
Всего ответов: 10





Главная » 2015 » Март » 31 » Школа творчества
16:13
Школа творчества

И бара – творчество школа!

       Миян районын томулов пыдди пуктöмöн на олöны ас чужан кыв дорö: тшöкыда на сёрнитöны мам кыв выланыс, йöзöдчöны коми газет-журналын. Республикалöн мукöд районса зонпосниыд гежöдджыка нин вöдитчöны коми кывйöн( татчö ог пыртöй Кулöмдiн да Удора районъяс, кöн уна ногöн жö корсьöны тöлксö, мед чужан кывным эз кус).

         Каникулъяс дырйи, март 24-öд лунö, Кöрткерöс районса челядьлы  мойвиис ветлыны Сыктывдiн районса Ыб сиктö сiдз шусяна «Школа творчества» семинар вылö. Татшöм велöдчöмсö быд во панлö Кöрткерöсса М.Н. Лебедев нима библиотека, медым районса коми кывйöн гижысь томулов велöдчисны нöшта на бурджыка гижны да вöдитчыны кывлöн озыр позянлунъяснас. А мывкыдлунсö та пöрйö челядьлы сетiсны  республикаын тöдчана нин поэтъяс Елена Афанасьева да Алёна Шомысова. Кыкнанныс пырöны Республикаса коми гижысьяслöн котырö, тшöкыда йöзöдлöны ассьыныс кывбуръяснысö и пыр окотапырысь юксьöны ас кужöмлуннаныс челядькöд. Семинар дырйи найö велöдiсны челядьöс кывбур тэчигöн корсьны стöч образъяс, колана кыв тэчасъяс, кужöмöн тэчны мöвпъяслысь йитöдъяс, пыдiа мöвпавны да мичаа сёрнитны. Сiдзжö творческöй площадкаяс вылын челядьлы сеталiсны заданиееяс, кöнi найö видлiсны ассьыныс вынсö ичöтик этюдъяс артмöдöмын, колана темаын мöвп паськöдöмын да с.в. Дерт, эз ставыс артмы кокниа да öдйо, но буретш татшöм аддзöдчылöмъяс вылын томулов велöдчöны öта-мöдныслысь.

    Одыб, Шойнаты, Ыджыдвидз, Керес сиктса челядьлы тайö луныс эз коль весьшöрö – ставöн босьтiсны сiйöс, мый вöлi стöч колö. Со мый висьталöны Одыбсааяс: «Татшöм туяс ми петiм медводдзаысь на, Ыбын некор на эг вöлöй. И зэв унатор миянлы танi кажитчис. Öти-кö, ми мунiм Выльгорт сикт пыр. Сэнi пыралiм Челядьлы библиотекаö, танi тöдмöдiсны сэтчöс уджнас. А администрацияын  уджалысь нуöдiс зэв интереснöй экскурсия. С.Налимовлöн памятник дорын висьтыштic тайö енбиа морт йывсьыс. А автобусын пукалiгон кывзiм Сыктывдiн район йылысь – вель унатор тодмалiм!  Ыбын нин, занятиеяс бöрся, ветлiм финно-угорскöй этнопаркö. Ёна жö сэн гажа да мича! Паметяным коляс чумö пыралöм – кымын выльсö тöдмалiм чум да сэнi уджалысьяс йылысь, татшöмтортö он тшöкыда кывлы. Пыралiм важ коми керкаö. Сэнi тэчöма ставсö важ ног. А керкаса кöзяйка тöмöдiс миянöс важ коми музыкальнöй инструментъясöн, и петкöдлiс весиг кыдз найöн ворсны. Сэсся оркестр атмöдiм да ворсiм. Весиг сигудöкöн видлiм, кодöс вöчöма ачыс Семён Налимов. Ветлiм и ыджыд «чумö» - тадзи шуöны конгресс –холл туристическоöй комплекс, быдсяма мероприятиесö тан нуöдлöны – и концерт, и ыджыд аддзöдчылöмъяс, и выставкаяс и с. в. А миянлы тан нуöдiсны финно-угорскöй эстафетнöй ворсöмъяс».

       Колö пасйыны, мый туйыс кöть и вöлi кузь, но ветлöмыслöн коланлуныс ыджыд жö. Öд челядь гижны велöдчöмысь кындзи кутшöм уна информицияöн тöдмасисны, кымын унатор пель саяныс сюркнялiсны. А сiдзжö тöдмасисны  республикаса мöд районкöд, и öтчукöрö воöдчылiсны   ас районса томулов, кодъясöс йитö зэв буртор – коми кывйöн гижны кöсйöм! Ыджыд аттьö районса библиотекаын зiльысь В.В. Шестаковалы, кодi ышöдiс ставнымöс да нуöдлiс тайö туяс.

Просмотров: 450 | Добавил: DianaGonke | Рейтинг: 0.0/0
Всего комментариев: 0
avatar
Календарь
«  Март 2015  »
ПнВтСрЧтПтСбВс
      1
2345678
9101112131415
16171819202122
23242526272829
3031
Поиск по сайту





Радио онлайн
 Business FM 107.4 (Петербург)
 Makradio Ретро Хит
 Авторадио
 Дорожное радио
 Европа плюс
 Маяк
 Наше Радио
 Русское Радио
 Свобода
 Серебряный дождь
 Шансон
 Юмор FM


Copyright MyCorp © 2018
Создать бесплатный сайт с uCoz